Friday, December 14, 2018

#Pensioners_Day


Com Pattabi Raman

My wishes to all the pensioners and specially my co-pensioners of BSNL. The message of this day (Dec 17th) is the principle of modified parity to the past pensioners linking them with their future pensioners. The concept of oneness thro one rank one pension is seen as a justified one. By asking 'delinking' we are unfortunately giving up this principle of parity with our future pensioners. This one is tantamount to say to keep us the past pensioners to rank high against our future pensioners and yielding to treat equals differently.
 Any Pay Revision is not only providing pay revision to employees in service and continuing the service, but also giving pension revision to the    retirees during post pay revision period. This pension revision of those category pensioners is only linked to the past pensioners for their pension revision based on the above said principle. Pay revision is for all serving employees but when it leads to pension revision for some pensioners who were eligible for pay revision then the principle of modified parity is applicable to the past pensioners. In today's condition the past retirees of BSNL can get a link only from the future retirees of BSNL alone, not from future retirees of central govt.

 R.Pattabiraman  BSNL IDA Pensioner 14-12-18

டிசம்பர் 17 #ஓய்வூதியர்கள்_தினம்

அனைத்து ஓய்வூதியர்களுக்கும் குறிப்பாக பி எஸ் என் எல் ஓய்வூதியர்களுக்கு எனது நல்வாழ்த்துகள். டிசம்பர் 17   பென்சனர்  சமநிலை கோட்பாட்டை முக்கிய செய்தியாக கொண்டுள்ளது. முன்னாள் பென்ஷனர்கள்  குறிப்பிட தேதிக்கு பின்னரான பென்ஷனருக்கு  இணையாக ஒய்வூதிய திருத்தம் பெற உரிய இணைப்பை  அது நல்குகிறது.  ’ஒரே ரேங்க் எனில் ஒரேவகை பென்ஷன் பெறத்தகுதி’ என்பது நியாமான ஒன்றாகவும் ஏற்கப்பட்டுள்ளது.
 இச்சூழலில்’டீலிங்க் -இணைப்பை துண்டி’ எனக் கோரிக்கை உருவாகியிருப்பது  துரதிருஷ்டம் என எண்ணத்தோன்றுகிறது. முன்னாள் பென்ஷனரை  உயர் ரேங்கில் வை என்பதாகவும் ஆகிவிடுகிறது.  உள்ளார்ந்து பார்த்தால் சமதையாக நடத்தப்படவேண்டியவர்கள் வித்தியாசப்படுத்தப்படலாம் என்கிற  பொருளையும் தருகிறது.
ஊதிய மாற்றம் என்பது  சேவையில்  தொடரும் அனைத்து ஊழியர்களுக்கும் ஊதிய உயர்வைத்தரும்போதே,   ஊதியமாற்ற தேதிக்கு பின்னர் பென்ஷனராக மாறியவர்க்கு பென்ஷன் திருத்தத்தையும் ஊதிய உயர்வு காரணமாகவே தருகிறது.

இந்த கேட்டகரி பென்ஷனர்கள்தான்  அவர்கள் பெறும் பென்ஷன் திருத்தம் காரணமாக முன்னாள் பென்ஷனருக்கு பென்ஷன் திருத்தம் பெறுவதற்கான இணைப்பை தருகிறார்கள். (சம்பள மாற்ற ஊழியர்கள் அனைவருமல்லர்).
 இந்த  நிலைப்பாட்டையே ஊதியக்குழுக்கள் மாடிபைடு பாரிட்டி கோட்பாடு என அழைக்கின்றன. இந்த அடிப்படையில் தான் சம்பள குழுக்கள் (5,6,7) ஊதிய மாற்றத்தையும், இரு கேட்டகரி பென்ஷன் திருத்தங்களையும் செய்திருக்கின்றன. இன்றைய சூழலில் பி எஸ் என் எல்- இருந்து ஓய்வுபெற்ற  பென்ஷனர்கள் அவர்களுக்கான ’இணைப்பு எதிர்கால பென்ஷனரை’ பி எஸ் என் எல்- இருந்தே பெறவேண்டும்- மத்திய அரசு எதிர்கால பென்ஷனரிடமிருந்தல்ல.
R.Pattabiraman  BSNL IDA Pensioner 14-12-18



http://www.pattabiwrites.in/2018/12/dec-17th-pensioners-day.html?spref=fb&m=1

Tuesday, December 11, 2018

தமிழ் மாநில 

NFTE BSNL
மாவட்ட செயலர்கள் கூட்டம் 


CGM அலுவலக வளாகத்தில் உள்ள NFTE தொழிற்சங்க அலுவலகத்தில் தோழர் P காமராஜ் மாநில தலைவர் தலைமையில் 11/12/2018 அன்று நடைபெற்றது.


தோழர் K நடராஜன் மாநில செயலாளர் அவர்களின்  துவக்கவுரையுடன் விவாதங்கள் துவங்கியது.

காலவரையற்ற போராட்ட ஒத்திவைப்பு,
கோரிக்கைகளில் ஏற்பட்டுள்ள முன்னேற்றம், வருங்கால கடமைகள் குறித்து கருத்தாழம் மிக்க விவாதங்கள் நடைபெற்றது .

LPF பொதுச்செயலாளர் சகோதரர் சுப்பராமன் TEPU  அவர்கள் பேச்சு வார்த்தையில் நடந்தவைகளை எடுத்து உரைத்தார்.

தோழர் Pattabi Raman கோரிக்கைகள் மீதான முன்னேற்றம் குறித்த புரிதலை தெளிவுபடுத்தினார்.

தோழர் S பழனியப்பன் சம்மேளன துனைத் தலைவர்

தோழர் அ செம்மல் அமுதம்  சம்மேளனச் சிறப்பு அழைப்பாளர்

தோழர் Gopalakrishnan Ssg முன்னாள் சம்மேளனச் செயலாளர்,
தோழர் முரளி
தோழர் சுப்பராயன் உள்ளிட்ட மாநில சங்க நிர்வாகிகள் உரையாற்றினர்.

நமது கோவை மாவட்ட செயலாளர் தோழர் ராபர்டஸ் கலந்து கொண்டு உரையாற்றினார்.

தோழர் முத்தியாலு ஓய்வூதியர் சங்க துனைப் பொதுச்செயலாளர் கலந்து கொண்டு கருத்துரையாற்றினார்.

தோழர் R K சிறப்பான முறையில் வரலாற்று நிகழ்வுகளை நினைவு கூர்ந்து, போராட்டக்களத்தில் நாம் பின்வாங்கவில்லை  , சீறிப்பாய்வதற்கான தருணம் வரும் வரை காத்திருப்போம்
காலம் கனியும்
வெற்றி நமதே
என்று நிறைவுரையாற்றினார்.

இரவு 0730 மணியளவில் கூட்டம் நிறைவுற்றது.





Thursday, December 6, 2018



கோவை மாவட்ட சங்க அலுவலகத்தில் அம்பேத்கர் நினைவு நாள் 06/12/2018 நிகழ்வு.

Wednesday, December 5, 2018

NFTE கோவை  மாவட்ட சங்க அலுவலகத்தில் அம்பேத்கர் நினைவு தினம் நாள் 06/12/2018



Monday, December 3, 2018

பிஎஸ்என்எல்
வீழ்த்தப்படும்_கதை.

தோழர் பட்டாபி
தமிழ் இந்து 03/12/2018

வீறுடன் காத்திருப்போம் களமிறங்க.
இறுதி வெற்றி நமதே!


#தோழர்_RK
#NFTE_BSNL


தோழர்களே!
தோழியர்களே!! வீராவேசமுடன் வேலை நிறுத்தத்தை எதிர்கொள்ள காத்திருந்தவர்களுக்கு போராட்டம் அடுத்த நாள் குறிப்பிடாமல் அனைத்து ஊழியர்கள் மற்றும் அதிகாரிகள் சங்கங்களின் கூட்டமைப்பால் ஒத்திப்போடப்பட்டது மிகுந்த கோபத்தையே ஏற்படுத்தும்.

#இந்த_கோபம்_நியாயமானது_தான்.

 அதேசமயம் சந்திக்கவோ பேசவோ முடியாதென்ற நிலையை மாற்றி DOT அதிகாரிகள் மட்டுமின்றி அமைச்சரையும் நம்மோடு பேச வைத்தது அனைத்து சங்க ஒற்றுமை தான்.

 நாம் விரும்பும் முடிவு ஏற்படவில்லை என்பது உண்மைதான். அதேசமயம் மோசமான நிர்வாகத்தையும் நம் பக்கமே திரும்பாதிருந்த அமைச்சரையும் சற்று திரும்ப வைத்திருக்கிறோம் எனில் அதற்கு காரணம் நமது ஒற்றுமையே.

 அப்படியானால் அந்த ஒற்றுமையை கட்டிப்பாதுகாப்பதன் மூலமே அடுத்த கட்ட முன்னேற்றம் நோக்கி செல்லமுடியும். வேகமான ஒரு பகுதியினரின் முடிவு விடிவையோ முடிவையோ ஏற்படுத்தாது. மாறாக கோரிக்கையை வென்றடைவதற்கு அவசியத்தேவையான ஒற்றுமையில் விரிசலை ஏற்படுத்தும். ஊழியர்கள் மத்தியிலும் நம்பிக்கையின்மையை ஏற்படுத்தும். கட்டியிருக்கிற ஒற்றுமையை மேலும் பலப்படுத்தி உருக்கு போன்று காப்பதன் மூலமே ஒரு சேர சீறிப்பாய முடியும்.

 ஒருசிலரின் வேகமான பாய்ச்சலை விட ஒன்றாய் ஒருசேர நாம் வைக்கும் ஓரடி நகர்வுக்கு சக்தி அதிகம். அதுதான் அரசை சிந்திக்க வைக்கும். முடிவுகளில் மாறுபட்டோமானால் அது நாம் சந்திக்க வேண்டிய எதிர்தரப்புக்கே சாதகமாக முடியும்.

 நமது கோபக்கனல்  நீறு பூத்த நெருப்பாக இருக்கட்டும். ஒற்றுமை உடையாது காப்போம். நிர்வாகத்தின் அரசின் ஆணவம் உடைப்போம். சற்று பொறுப்பதாலும்  தாமதிப்பதாலும் தோற்றுவிட்டோம் என்பதல்ல. 

மாறாக இன்னும் வேகமாக ஆக்ரோஷமாக பேருருவாய் எழப்போகிறோம் என்பதில் திண்ணமாக இருப்போம். ஊர்கூடித் தோற்றதில்லை. போராடாமல் நாம் வென்றதுமில்லை. நாம் ஒன்றுபட்டு நிற்கிறோம். எதற்காக . எல்லோரும் ஒருசேர சீறிப்பாய்வதற்கே. நமது கோபத்திற்கும் எரிமலையாய் வெடிக்கும் போர்க்குணத்திற்கும் தள்ளிப்போகும் நாட்கள் ஒருபோதும் தடையாக இருக்காது. நமது பொறுமை ஓய்வதற்கல்ல.

 அக்கினிக்குஞ்சுகளாய் ஆர்த்தெழுந்து முன்னிலும் வேகமாக மோதுவதற்கே. போர்ப்படையென சீற்றமுடன் இருப்போம். எத்துனை தடைவரினும் அவை நொறுக்கி வெற்றி காண்போம். நமது வெற்றி வெகு தொலைவில் இல்லை. நமது ஒன்று பட்ட ஆவேசம் ஆட்சியாளரை நிச்சயம் நம் பக்கம் திரும்பும். சிறிதே காத்திருப்போம் சீறிப்பாயும் தயார் நிலையோடு. தொய்வு கொண்டு துவண்டு விடும் கூட்டமல்ல நாம்.வெற்றி பெறாமல் ஓய மாட்டோம் என கோபத்தின் ரூபமாக கோடிக்கால் பூதமாக கூடித்திரெண்டெழுவோம்.               

ஒன்றுபட்ட  ஆவேசம் அதுவே நமது மூலதனம். 

வெற்றி விலகிப் போக ஒருபோதும் விடமாட்டோம்‌. 

வீறுடன் காத்திருப்போம் களமிறங்க.

இறுதி வெற்றி நமதே!




Sunday, December 2, 2018

காலவரையற்ற வேலை நிறுத்த போராட்டம்
ஒரு வார காலம் - ஒத்தி வைப்பு



02-12-2018 இன்று., DOT செயலருடன் அனைத்து சங்கத்தலைவர்கள் (AUAB தலைவர்கள்) நடத்திய பேச்சுவார்த்தையின் அடிப்படையில் 03-12-2018 முதல் துவங்க இருந்த காலவரையற்ற வேலை நிறுத்தப் போராட்டம் ஒரு வார காலம் ஒத்திவைக்கப்பட்டு., 10-12-2018 முதல் நடைபெறும் என அறிவிக்கப் பட்டுள்ளது.

நாளை 03-12-2018 அன்று காலை 10-00 மணிக்கு நமது மத்திய தொலைத் தொடர்பு அமைச்சர் திரு. மனோஜ் சின்ஹா அவர்கள் உடன் பேச்சுவார்த்தை நடைபெற இருப்பதால்., நமது காலவரையற்ற வேலை நிறுத்தம் டிசம்பர் 10-ஆம் தேதிக்கு தள்ளி வைக்கப்பட்டுள்ளது.

பேச்சுவார்த்தை விபரம்:

02-12-2018 இன்று மதியம் 12-00 மணிக்கு நமது CMD உடன்., அனைத்து சங்கத் தலைவர்களின் பேச்சுவார்த்தை நடைபெற்றது. DOT சில கோரிக்கைகளின் மீது சாதகமான நிலைபாடு எடுத்திருப்பதாகவும்., அதனைக் கருத்தில் கொண்டு போராட்டத்தை விளக்கிக் கொள்ளுமாறும் நமது CMD அவர்கள் வேண்டுகோள் விடுத்தார். ஆனால்., DOT-யிடம் இருந்து எழுத்துப்பூர்வமான உறுதிமொழிகள் இல்லாமல் போராட்டத்தை விலக்கிக் கொள்ள இயலாது என AUAB தலைவர்கள் தெளிவுபட எடுத்துரைத்தனர்.

CMD-யுடனான பேச்சுவார்த்தைக்குப் பின்., DOT செயலர்., கூடுதல் செயலர் மற்றும் DOT-யின் மூத்த அதிகாரிகளுடன் பேச்சுவார்த்தை நடைபெற்றது.

இப் பேச்சுவார்த்தையில்., BSNL-க்கு 4-G அலைக்கற்றை ஒதுக்கீடு., ஓய்வூதியப் பங்களிப்பை முறைப்படுத்துதல் மற்றும் 01-01-2017 முதல் ஓய்வூதியத் திருத்தம் ஆகிய கோரிக்கைகள் சாதகமாகப் பரிசீலனை செய்யப்பட்டு வருவதாக DOT செயலர் உறுதி அளித்தார்.

இருப்பினும்., முக்கியக் கோரிக்கையான 15% சத ஊதிய உயர்வு அளிப்பது பற்றி., ஊழியர் சங்கங்களுடனான பேச்சுவார்த்தையை முழுமைப் படுத்துமாறு BSNL CMD-ஐ., DOT செயலர் கேட்டுக் கொண்டுள்ளார். ஊழியர்களைப் போலவே அதிகாரிகளுக்கும் ஊதிய உயர்வு அளிப்பது பற்றிய DPE வழிகாட்டுதல் விரிவாக விவாதிக்கப்பட்டது. மேலும்., இது பற்றி தொலைத்தொடர்பு அமைச்சருடன் AUAB அனைத்து சங்க கூட்டமைப்பு விவாதிப்பதற்கு 03-12-2018 அன்று கூட்டம் ஏற்பாடு செய்யப்பட்டுள்ளது எனவும் தெரிவிக்கப்பட்டது.

மேற்கண்ட முன்னேற்றங்களின் அடிப்படையில்., 03-12-2018 முதல் துவங்க இருந்த நாடுதழுவிய காலவரையற்ற வேலைநிறுத்தம் 10-12-2018-க்கு தள்ளி வைக்கப்பட்டுள்ளது.

நமது இறுதிக்கட்டப் போராட்டத்தில் பங்கேற்க நாடு முழுவதும் ஊழியர்களும்., அதிகாரிகளும்., ஒப்பந்த ஊழியர்களும்., ஓய்வு பெற்ற தோழர்களும் மிகவும் உற்சாகமாக காத்திருந்தனர்.

ஆயினும் ஏற்பட்டுள்ள முன்னேற்றங்களின் அடிப்படையில்., நமது அனைத்து ஊழியர்கள் மற்றும் அதிகாரிகள் சங்கங்களின் கூட்டமைப்பு சரியான நிலைபாட்டினை எடுத்து போராட்டத்தினை ஒருவார காலத்திற்கு தள்ளி வைத்துள்ளது பாராட்டுக்குரியது.

நாளைய பேச்சுவார்த்தையில்.,
நமது முக்கிய கோரிக்கையான ஊதிய மாற்றம்
ஏற்றுக் கொள்ளப்படாவிட்டால்...?
மேலும்., முழு வீச்சுடன்...! மேலும்., முழு மூச்சுடன்...!
மேலும்., உரத்தக் கோபத்துடன்...!
2018 டிசம்பர் 10 முதல் களம் காண்போம்...!
நமது உரிமையை வெல்வோம்...!
காத்திருப்போம் தோழர்களே...!
காலமும்...! களமும்...!
காத்திருக்கிறது...!

தோழமையுடன்...
A ராபர்ட்ஸ், மாவட்ட செயலர் NFTE-BSNL.,
& தலைவர்- AUAB.,
          கோவை SSA